415,12 450,91 7,40
+7 (7172) 757 485 24kz@khabar.kz

Жапония әлемге COVID-19-ды бірнеше минутта анықтайтын экспресс-тестілерді ұсынуға дайын

  • 624
  • UPD: 20:35, 10.05.2020
Жапония әлемге COVID-19-ды бірнеше минутта анықтайтын экспресс-тестілерді ұсынуға дайын toppress.kz

Жапония әлемге COVID-19-ды бірнеше минутта анықтай алатын экспресс-тестілерді ұсынуға дайын.

Бұл туралы  «Хабар 24» Жедел штабтың телеграм каналына сілтеме жасап хабарайды.

13 мамырда елде 15 минуттың ішінде пациенттен жаңа түрдегі коронавирусты анықтай алатын жаңа экспресс-тест мақұлдануы мүмкін. Sankei газетінде жазылғандай, тестілеу жиынтығы ағзада коронавирус антигендерін анықтауға мүмкіндік береді, вирусты жұқтырған адамның иммундық жүйесі оған қарсы денелер шығарады. Егер бұл әзірлемені Жапония Үкіметі мақұлдаса, осындай экспресс-зерттеуді ауруханаларда тікелей жүргізуге болады.

Бірнеше сағат жүргізілетін ПТР-тесттер үшін тек зертханалық жағдай қажет. Сарапшылар атап өткендей, ПТР-аналогтардың қорытындысы жаңа жүйелерге қарағанда дәлірек, сондықтан билік барынша тиімділікке қол жеткізу үшін оларды қатар пайдалануға ниетті.

Жапонияда коронавирусты жұқтырған адамдардың жалпы саны 16,4 мыңнан асты, 270 адамның денсаулығы ауыр жағдайда, 637 адам көз жұмған.

Хабар 24 телеарнасы