Канадада әскери ұшақ апатқа ұшырады

Канаданың Британиялық Колумбия провинциясында Snowbirds әскери-әуе күштері тобының CT-114 ұшағы құлады.

Оқиға Камлупс қаласы маңындағы аэродромнан ұшып шыққан сәтте болған. Бұл туралы канадалық әскери-әуе күштерінің баспасөз қызметі хабарлады.

«Canadian Forces Snowbirds экипажының бір мүшесі қаза тапқанын қайғыра хабарлаймыз, ал екіншісі ауыр жарақат алды», - делінген хабарламада.

Мәліметтер бойынша екінші ұшқыштың алған жарақаттары өміріне қауіп төндірмейді.

Оқиға куәгерлерінің айтуынша, ұшақ әуеге көтерілген сәтте бірден тұрғын үйдің аумағына құлаған. Тұрғындардың ешқайсысы зардап шеккен жоқ.