425.49 509.00 5.61
+7 (7172) 757 485 24kz@khabar.kz
ҚАЗ

Араб әлеміндегі алғашқы атом станциясы іске қосылды

  • 244
  • UPD: 07:18, 03.08.2020
Араб әлеміндегі алғашқы атом станциясы іске қосылды inform.kz

Біріккен Араб Әмірліктерінің Абу-Даби әмірлігінде «Барака» атом электр станциясы пайдалануға берілді, деп хабарлайды ҚазАқпарат.

WAM әмірлік агенттігінің мәліметінше, «Барака» АЭС - араб өңіріндегі алғашқы, ал әлемдегі отыз үшінші атом электр станциясы. Ол атом энергиясын базалық жүктемемен қауіпсіз және сенімді электр энергиясынан өндіреді.

Жаңа АЭС Абу-Даби әмірлігінің Ад-Дафра муниципалды аймағында салынды және 60 жылға дейін жұмыс істейді.

«Біз бүгін БАӘ-нің жаңа жетістігі - араб әлеміндегі алғашқы бейбіт атом энергетикалық реакторының іске қосылғанын жариялаймыз», - деп мәлімдеді БАӘ премьер-министрі, вице-президент, Дубай әмірлігінің шейхі Мухаммед бин Рашид Аль Мактум ашылу салтанатында. Ол ядролық отын төрт блоктың алғашқысына сәтті жүктелгенін атап өтті.

Ядролық қондырғы толығымен пайдалануға берілгеннен кейін, ол жылына 21 млн тоннадан астам көміртегі шығарындыларын жойып, 5,6 гигаватт электр энергиясын өндіретін болады.

Бірнеше ай бойы АЭС жүйелері барлық нормативтік талаптарға және сапа мен қауіпсіздіктің ең жоғары халықаралық стандарттарына жауап беретініне көз жеткізу үшін үнемі бақыланып, тексеріліп тұрады.

Хабар 24 телеарнасы