426,32 497,47 5.54
+7 (7172) 757 485 24kz@khabar.kz
ҚАЗ


Оңтүстік Кореядан Қазақстанға гуманитарлық көмек жетті

  • 188
  • UPD: 12:12, 18.08.2020
Оңтүстік Кореядан Қазақстанға гуманитарлық көмек жетті

Оңтүстік Корея мемлекеті елімізге коронавируспен күресу үшін гуманитарлық көмек көрсетті, деп хабарлайды «Хабар 24».

Бүгін Алматы халықаралық әуежайына Сеулден келген ұшақ келіп қонды. Жалпы салмағы бір жарым тонна болатын жүкте дәрі-дәрмек, антибиотик, түрлі дәрумендер, қорғаныш киімдері мен өзге де медициналық бұйымдар бар.

Айта кетейік, осыған дейін де Оңтүстік Корея Қазақстанға бірнеше мәрте гуманитарлық көмек қолын созған еді.

Нығметжан Сапаров, ҚР СЖҚІҚА Алматы қаласы бойынша департаментінің басшысы:

- Әуежайға жеткізілген жүк «СК Фармацияға» тапсырылады. Олар еліміздегі медициналық мекемелердің қажетіне қарай дәрі-дәрмектер мен өзге де медициналық заттарды үлестіреді. Бұл істің барлығын сыбайлас жемқорлыққа қарсы қызмет қадағалайды.

 

Хабар 24 телеарнасы