426,19 497,47 5.54
+7 (7172) 757 485 24kz@khabar.kz
ҚАЗ


Илон Маск доңыздың миына чип енгізді

  • 274
  • UPD: 14:40, 29.08.2020

Американдық кәсіпкер әрі өнертапқыш Илон Маск миды чиптеу жобасының барысымен бөлісті.

Ютубтағы онлайн трансляция кезінде миллиардер миына чип енгізілген доңызды көпшілікке көрсетті. Құрылғының көлемі тиындай ғана, диаметрі небәрі 8 миллиметр. Доңыз бір затты иіскегенде құрылғы белгі беріп, тұмсығы тиген сайын ми имплантында импульстер тіркеліп отырады.

Өнертапқыштар айтуынша, бұл болашақта адамның күрделі неврологиялық ауруларын емдеуге мүмкіндік береді.

Айта кеткен жөн, 2016 жылы Илон Маск негізін қалаған «Нейралинк» компаниясы миды чиптеу жобасымен айналысып жүр. Миллиардер құрылғыны адам миына орналастыруға биыл рұқсат алуды көздейді.  

Илон Маск, Neuralink компаниясының негізін қалаушы:

- Бұл құрылғының бірнеше функциясы бар. Ол адамның дене қызуы мен температурасын өлшеп отырады. Сөйтіп, миында чипі бар кісінің денсаулығын бақылап, жүрек ұстамасы немесе инсульт жайлы ескертеді. Мұны миыңыздың ішіндегі мобильді телефон деуге болады.

Хабар 24 телеарнасы