428,68 501,70 5.52
+7 (7172) 757 485 24kz@khabar.kz
ҚАЗ


Әлемге әйгілі Тәж-Махал кесенесі қайта ашылды

  • 148
  • UPD: 02:47, 22.09.2020
Әлемге әйгілі Тәж-Махал кесенесі қайта ашылды

Коронавирусқа байланысты Үндістанның ең атақты нысаны алты ай бойы жабық болған еді, деп хабарлайды «Хабар 24».

Алайда елде әлі індет өршіп тұрғандықтан, тәулігіне тек 5 мың адам қабылдайды. Олар бетперде киіп, арақашықтық сақтауға тиіс. Осыған дейін Тәж-Махал осыншама ұзақ уақытқа жабылмаған еді. Соңғы рет осындай жағдай 1978 жылы Агра қаласында су тасыған кезде болған. Қазір Үндістандағы эпидемиологиялық ахуал күрделі. Ел бойынша 5 миллион 400 мыңнан аса адам коронавирус жұқтырған. Күн сайын 100 мыңдай жаңа науқас тіркеледі. Ал дерттен қайтыс болғандардың саны 87 мыңға жетті. Күніне ел аумағында бір миллионға жуық тест алынады. Алайда 1 миллиард 300 миллиондай халқы бар Үндістан үшін бұл да жеткіліксіз болып отыр.

Хабар 24 телеарнасы