415,57 504.70 5.62
+7 (7172) 757 485 24kz@khabar.kz
ҚАЗ

Украинада ұшақ апатына қатысты тергеу амалдары басталды

  • 260
  • UPD: 10:12, 26.09.2020

Өткен түнде Харьков облысында Украина Қарулы күштеріне тиесілі Ан-26 әскери ұшағы апатқа ұшырады, деп хабарлайды «Украинская правда» басылымы.

Әуе көлігі Чугуев қаласының әуежайына қонар кезде құлаған. Ұшақ бортында экипаждан бөлек Харьковтегі әскери университтің офицерлері мен курсанттары болған. Жалпы саны – 28. Қазіргі кезде 25 адамның қаза тапқаны анықталды. Екі кісі ауыр жарақат алды. «Өзге жолаушыларды іздестіру жұмыстары жүріп жатыр»,- деп хабарлады, Украина бас прокуратурасының баспасөз қызметі.

Облыс әкімі Алексей Кучера енді төрт адамның тағдыры белгісіз дегенді айтыпты. Қайғылы оқиғаға қатысты іс қозғалып, тергеу амалдары басталды.

Хабар 24 телеарнасы