428,68 501,70 5.52
+7 (7172) 757 485 24kz@khabar.kz
ҚАЗ


Ливиядан жаяу шыққан әйгілі саяхатшы Ақтауға жетті

  • 121
  • UPD: 16:02, 01.10.2020
Ливиядан жаяу шыққан әйгілі саяхатшы Ақтауға жетті

Ливиядан жаяу шыққан әйгілі саяхатшы Нури Фунас Ақтауға жетті. Фунас Қазақстанға ақпанда келген болатын.

Бірнеше өңірді басып өтіп, Каспий жағалауындағы ақ маржан қалаға табаны енді тиді. Саяхатшының көздеген мақсатына жетуіне күн райы кедергі болмаған. Нури Фунасты қазақтың дархан пейілі мен қонақжайлылығы және көз тоймас табиғаты таңқалдырыпты. Ол ұзақ сапарға алғаш рет 1998 жылы аттаныпты. 20 жыл ішінде 140 елді жаяу аралаған. Ал, Қазақстанға жоспарлаған жорығына осыдан үш жыл бұрын шыққан. Көктемде Ресей шекарасына жетуі тиіс еді. Алайда әлемді жайлаған пандемия кесірінен оның жоспары жүзеге аспай қалды. Алдағы күндері ол Нұр-Сұлтанға  қайта оралып, визасын ұзартпақ. Жоспарында Ресей мен Украинаны аралау.

Нури Фунас, жаяу саяхатшы:

- Мен Каспий теңізі туралы көп естідім. Сол ғажайыпты көрудің сәті түсті. Расында керемет екен. Қазақстан барлық жағынан ерекше ел екен. Жолымда кездескендердің барлығы ақ көңілдерін білдіріп, көмектесіп жатты. Қонақжайлық танытқандықтан кейде маршрутым мен уақытымнан ауытқып та отырдым.

Хабар 24 телеарнасы