429,59 501,70 5.61
+7 (7172) 757 485 24kz@khabar.kz
ҚАЗ


Дәрігерлер Трамптың жағдайы туралы айтып берді

  • 295
  • UPD: 14:12, 04.10.2020
Дәрігерлер Трамптың жағдайы туралы айтып берді

Коронавирус жұқтырып, әскери госпитальда емделіп жатқан АҚШ басшысының халі біршама жақсарған. Бұл туралы президент Дональд Трамп ауруханадан бейнежазба арқылы өзі хабарлады. Ақ үй басшысы қазір өзін жақсы сезінетінін айтып, жуық арада қайта оралатынына сенімді екенін жеткізді. Дәрігерлер де Трамптың жағдайының жақсарғанын растады. Бірақ аурудың кей нышандары барын айтып, тағы 2 күндей бақылау керек деп отыр. Осыдан кейін науқасқа одан әрі қандай ем-дом қолдану керектігі белгілі болмақ.   

Дональд Трамп, АҚШ Президенті:

- Ауруханаға келгенде жағдайым нашарлау еді. Қазір өзімді жақсы сезінемін. Дәрігерлер менің тез сауығып кетуім үшін қолдан келгеннің бәрін жасап жатыр. Сондықтан көп ұзамай жазылып шығып, бірге бастаған ісімізді аяғына дейін жеткізетініме сенімдімін. Біз бұл індетті толықтай жеңіп шығамыз.

Украинаның бұрынғы президенті Петр Порошенконың да  коронавирустан халі нашарлап, ауруханаға жеткізілгені белгілі болды. Экс-президенттің өкпесі қабынған.

Еске сала кетейік, Порошенко вирусты осы аптаның бас кезінде жұқтырып алған. Алайда экс-президент ауруханаға жатпай үйде емделуді шешкен еді.

Хабар 24 телеарнасы