428,68 501,70 5.55
+7 (7172) 757 485 24kz@khabar.kz
ҚАЗ


Тарихта алғаш рет химия саласы бойынша Нобель сыйлығын тек әйелдер алды

  • 152
  • UPD: 11:07, 08.10.2020
Тарихта алғаш рет химия саласы бойынша Нобель сыйлығын тек әйелдер алды фото: rbc.ru

Швеция Корольдігінің Ғылым академиясы кезекті Нобель сыйлығын табыстады, деп хабарлайды «Хабар 24».

Бұл жолы химия саласы бойынша наградаға Дженнифер Дудна мен Эммануэль Шарпантье ие болды. Ғалымдар «Генетикалық қайшы» деп аталатын зерттеулері үшін беделді марапатқа лайық деп танылған. Француз және америкалық ғалымдар өсімдік, жануар және микроорганизмдердің геномын талдауға болатын әдіс ойлап тапқан. Бұл арқылы енді ДНК-дағы қажет емес фрагментті тауып, оны алып тастауға немесе басқасына ауыстыруға болады.

Айта кетейік, тарихта алғаш рет химия саласы бойынша марапатты тек әйелдер алып отыр.

Питер Бжезинский, Нобель комитетінің мүшесі:

- Болашақ осы әдістің қолында. Қазір алғашқы зерттеу нәтижесінің қорытындысы бойынша келесі зерттеулерді жүргізіп жатырмыз. Егер барлығы сәтті болса, кейбір ауруларды емдеп жазатын әдіс болады. Бұл бағыттағы жұмыстар әлем бойынша қарқынды түрде жүргізіліп жатыр.

Хабар 24 телеарнасы