Оңтүстік Кореяда көп қабатты тұрғын үй өртенді
- 125
- UPD: 15:08, 09.10.2020
Оңтүстік Кореяның Ульсан қаласында көп қабатты тұрғын үй өртке оранып, 88 адам түрлі жарақатпен ауруханаға жеткізілді.
Қаза тапқандар жоқ. Жүздеген адам аман-есен эвакуацияланды. Өрт жергілікті уақытпен түнгі сағат 11-лер шамасында басталған. Екпіндетіп соққан желден мамандар жалынды түні бойы сөндіре алмай, тек таңға жақын бақылауға алған. Мамандар ғимарат құрылысында қолданылған материалдарының арасындағы көмірден оқтын-оқтын өрт шығып жатқанын хабарлайды. Оттың неден тұтанғаны тексеріліп жатыр.
