Израиль мен Ливан теңіз шекарасына қатысты келіссөз өткізеді
- 223
- UPD: 12:01, 14.10.2020
Израиль мен Ливан бүгін теңіз шекарасын белгілеу бойынша соңғы 30 жылда алғаш рет келіссөз өткізеді, деп хабарлайды «Хабар 24».
Reuters агенттігінің хабарлауынша, мұндай уағдаластыққа АҚШ тарапының делдалдығымен қол жеткізілген. Келіссөздің бірінші кезеңі Ливанның оңтүстігіндегі БҰҰ бітімгерлер штабында ұйымдастырылмақ. Басқосуда Ливанның оңтүстік жағалауынан Израильдің солтүстігіне дейінгі шекараны айқындау көзделген.
Айта кетейік, Ливан мен Израиль соғыс жағдайындағы елдер болып саналады. Екі мемлекеттің теңіздегі шекарасы әлі күнге дейін белгіленбеген.
