419,69 511.30 5.67
+7 (7172) 757 485 24kz@khabar.kz
ҚАЗ

Қырғызстанның Жоғарғы соты Садыр Жапаровты ақтап шығарды

  • 272
  • UPD: 14:16, 20.10.2020
Қырғызстанның Жоғарғы соты Садыр Жапаровты ақтап шығарды фото: ТАСС

Бішкек мэрі Азиз Суракматов отставкаға кету туралы өтініш берді, деп хабарлайды «Хабар 24».

Жергілікті ақпарат құралдары тиісті мәліметті муниципалитет аппаратының бірнеше қызметкері растағанын айтады. Негізі Суракматов осымен екінші рет өтініш беріп отыр. Алғаш рет ол 6 қазанда арыз жазған. Алайда араға 2 күн салып, жұмыс орнына оралып, қашықтан қызмет еткенін айтқан еді. Бірінші вице-мэр қызметіне бұрынғы қала басшысы Нариман Тюлеев тағайындалған. Ол Бішкек қалалық кеңесі депутаттары ресми бекіткенше мэр қызметін атқарады.

Сонымен қоса, Қырғызстан Жоғарғы соты премьер-министр әрі президент міндетін атқарушы Садыр Жапаровқа қатысты қылмыстық істі қайта қарап, оны ақтау туралы үкім шығарды. Тиісті шешім қылмыс құрамының жоқтығына байланысты қабылданған. Жапаровпен бірге депутат Талант Мамытов пен Ұлттық қауіпсіздік мемлекеттік комитетінің төрағасы Камчыбек Ташиев те ақталып шыққан. Олардың барлығы «билікті күшпен басып алмақ болды» деп айыпталған болатын.

Хабар 24 телеарнасы