421,91 511.30 5.59
+7 (7172) 757 485 24kz@khabar.kz
ҚАЗ

Жапонияда коронавирус вакцинациясы тегін жүргізіледі

  • 109
  • UPD: 10:30, 02.12.2020
Жапонияда коронавирус вакцинациясы тегін жүргізіледі

Жапония парламентінің жоғарғы палатасы бүкіл халықты COVID-19-ға қарсы тегін вакцинациялауға қатысты түзетулерді мақұлдады.

Бұл туралы Kyodo агенттігі хабарлады.

«Осы заңнама аясында Жапония үкіметі келесі жылдың ортасына дейін бүкіл халықты вакцинациялауға қажетті доза мөлшерін дайындауға ниетті», - делінген.

Вакцинацияға қатысты барлық шығынды үкімет көтеретіндігі баса айтылды. Вакцинадан жанама әсерлер пайда болған жағдайда да үкімет өтемақысын төлейді.

Жапонияда коронавирустық инфекция жұқтырғандардың жалпы саны 151,7 мыңнан асты, 2206 адам қайтыс болды.

Хабар 24 телеарнасы