427,07 518.00 5.90
+7 (7172) 757 485 24kz@khabar.kz
ҚАЗ

Мексикада Pfizer вакцинасын салдырған дәрігердің миы қабынған

  • 240
  • UPD: 13:57, 04.01.2021
Мексикада Pfizer вакцинасын салдырған дәрігердің миы қабынған фото: Фото ©REUTERS

Мексикада дәрігер болып жұмыс істейтін 32 жастағы әйел энцефаломиелитпен (жұлын мен миды зақымдайтын жүйке жүйесінің қабынуы) ауырып қалуы мүмкін деген диагнозбен ауруханаға түсті.

Жақында ол Pfizer вакцинасын салдырған, - деп хабарлайды Tengrinews.kz.

Энцефаломиелит – жұлын мен ми қабынуы және ол әрі қарай да, тіпті периферикалық жүйке жүйесіне таралуы мүмкін. Бұған дейін энцефаломиелит Pfizer вакцинасының жанама әсерлерінің тізімінде болмаған. Алайда Pfizer-ден кейін аллергиялық реакция берген соң алты адам қайтыс болған.

Басылымның мәліметіне қарағанда, ауырып қалған дәрігер Нуэво-Леон штатындағы мемлекеттік ауруханаға жатқызылды. Оның тыныс алуы қиындап, денесі бөрткен. Бұған дейін де дәрігердің басқа препараттарға аллергиялық реакциясы болған. Енді энцефаломиелит Pfizer вакцинасынан кейін пайда болған-болмағаны анықталып жатыр. Алайда әзірге екпені шығарушылар ешқандай пікір білдірмеді.

Бұл вакцина Мексикада 24 желтоқсаннан бастап тарап жатыр.

Хабар 24 телеарнасы