423,95 504.32 5.84
+7 (7172) 757 485 24kz@khabar.kz

Әлемде мұнай бағасы қымбаттады

  • 352
  • UPD: 19:08, 04.01.2021
Әлемде мұнай бағасы қымбаттады

Брент маркалы қара алтынның бір баррелінің құны 53 доллардан асып кетті. Бұл былтырғы 4 наурыздан бері тіркеліп отырған ең жоғарғы көрсеткіш, деп хабарлайды «Хабар 24».

«Дабл-Ю-Ти-Ай» маркалы мұнай да қымбаттап, бір баррелінің бағасы 49,5 долларға дейін жетті. Нарықтағы ахуал ОПЕК отырысы алдында жақсарып келеді. Басқосу алдағы сағаттарда өтуі тиіс. Қатысушылар ақпанда мұнай өндіру деңгейін арттыру мәселесін талқылайды.

Алайда кейбір сарапшылардың пікірінше, ОПЕК өзгерістер енгізбей, келесі айда да қаңтардағы көрсеткіштерді сақтап қалуы мүмкін. Өйткені коронавирустың «британдық» штамының салдары әлемдегі эпидемиологиялық ахуалды ушықтырып жіберді. Оның үстіне сарапшылар вакцина егу жұмыстарының да баяу жүріп жатқанын айтады. Мұның бәрі қара алтын нарығына әсер етпей қоймайды.

Хабар 24 телеарнасы