Қытайдың Хунань провинциясындағы Нинсян қаласында зауытта жарылыс болды.
Оқиға салдарынан бір адам қаза тауып, 20 адам жарақат алды, деп хабарлады РИА Новости қала үкіметіне сілтеме жасап.
Жарылыс 7 қаңтарда жергілікті уақытпен сағат 18:12-де аккумуляторларды өңдеумен, сондай-ақ аккумуляторлық материалдар шығарумен айналысатын Hunan Brunp Recycling Technology компаниясы зауытының цехында болған.
Зардап шеккендердің барлығы ауруханаға жеткізілді. Жарылыстың себебі әлі анықталған жоқ, тергеу жалғасуда.