АҚШ-та бір тәулікте коронавирустан қайтыс болғандардың рекордтық саны тіркелді

АҚШ-та бір тәулікте коронавирус салдарынан қайтыс болған науқастардың саны екінші рет төрт мыңнан асты.

Нақтырақ айтқанда 4 327 науқас көз жұмған, деп хабарлады Джон Хопкинс университеті.

Бұған дейін 8 қаңтарда АҚШ-та коронавирустан қайтыс болғандардың тәуліктік саны 4085-ті құраған болатын.

Университеттің мәліметі бойынша, соңғы 24 сағат ішінде дәрігерлер АҚШ-та 215 805 коронавирус жағдайын тіркеген.