Навальный Ресейге оралған бойда қамауға алынды

Ресей оппозиционері Алексей Навальный еліне оралған соң қамауға алынды.

Оппозиционер Берлиннен Мәскеуге кеше кешкі рейспен ұшып келген болатын. Бұл ұшаққа билеттің көбін журналистер сатып алған еді.

Ұшақ Внуковоға қону керек болатын. Бірақ әуежай техникалық жағдайға байланысты лайнерді қабылдай алмай, ол Шереметьевоға қонды. Жалпы Алексей Навальный шартты түрде сотталғандықтан төлқұжатты тексеру орнында полицейлер оны сынақ мерзімін бұзғаны үшін ұстады. Сонымен бірге онда оппозиционердің жақтастары жиналып, тәртіп сақшылары олардың да кейбіреуін қамауға алды.