Испания үкіметі босқындарға жаңа қалашықтар ашады

Испания билігі Канар аралдарында көші-қон саясатын өзгертетін болды, деп хабарлайды «Хабар 24».

Мұнда босқындарға арналған жаңа лагерьлер ашылады. Келесі айдың ортасында 7 мың адамға арналған 4 жаңа қалашық іске қосылады. Соңғы кезде мұнда Африка елдерінен келетін мигранттар саны күрт өсіп кетті. Ал арнайы баспаналарда орын жетіспегендіктен, кейбіреулерін қонақ үйлерге орналастыруда.

Тксема Сантана, босқындар істері жөнінде комиссия өкілі:

- Өткен жылы Канар аралдарына 23 мың мигрант келді. Бұл рекордты көрсеткіш. Ал осы айдың алғашқы аптасында келушілер саны 2 мыңға жетті.