Таиланд полициясы санитарлық ереже бұзған 89 шетелдікті қамауға алды, деп хабарлайды «Хабар 24».
Пханган аралындағы барлардың бірінде рейд барысында 10 елдің азаматы ұсталды. Тәртіп сақшылары 20-дан аса жергілікті тұрғынды да абақтыға жапты. Коронавирус індетіне байланысты Таиландта бұқаралық іс-шаралар өткізуге тыйым салынған. Ереже бұзғандар екі жыл бас бостандығынан айырылады немесе бір мың доллардан асатын айыппұл төлеуі мүмкін.