Түркия елінде шағын демалыс орындарына сұраныс артты. Себебі коронавирустан қонақ үйлерде тәртіп қатаңдатылып, шектеу енгізілген.
Ал кемпингтік шатырларда барлық жағдай жасалған. Санитарлық талаптарға да сай. Бір демалыс орнында 2 адамнан артық тұруға болмайды. Айта кетейік, Түркияда індеттен саяхатшылар азайып, туризм саласы қатты зардап шеккен. Салдарынан қонақүйлер мен мейрамханалардың көбі жұмысын тоқтатуға мәжбүр болған.
Октай, кәсіпкер:
- Мұндай кемпингтік шатырларды ашу идеясы алғаш рет Таиландқа барғанда пайда болды. Ол жақта осындай қонақ үйлерді көріп неге Түркияда дамытпаса деген ой келді. Бірақ оларға осыншама сұраныс артады деп ойламаппын.