Иран билігі уранды 60%-ке дейін байытуға ниетті

Иран қажет болса уранды байытуды халықаралық келісімшартта көрсетілген межеден де асыра алады, деп хабарлайды «Хабар 24».

Осы елдің діни көшбасшысы аятолла Әли Хаменеи осылай деп мәлімдеді. Оның айтуынша, Ислам республикасы бұл мәселеде өз қажеттілігіне сай әрекет ететін болады.

Айта кетейік, Тегеран бұған дейін Атом энергиясы бойынша халықаралық агенттікпен үш айлық келісмге қол қойған. Құжат ұйым инспекторларына осы елдің ядролық нысандарына барып, оны тексеруге мүмкіндік береді.

Әли Хаменеи, Иранның діни көшбасшысы:

- Уранды байыту көлемін еліміздің қажеттілігіне қарай өсіруге дайынбыз. Яғни оны байыту 20%-ке шектелмейді. Мысалы, ядролық қондырғылар мен басқа да жұмыстар үшін бізге уранды 60%-ке дейін байыту қажет.