Иорданияда қайта локдаун жарияланды. Бұдан басқа коменданттық тәртіп тағы екі сағатқа ұзартылды. Бұған коронавирустың қайта өршуі себеп.
Сондай-ақ билік бетперде тағу сияқты карантин талаптарын бұзғандарға қатаң жаза қолданатынын ескертті. Бірақ үкімет жұма намазын 1 сағат ішінде өткізуге рұқсат берген. Тек мешітке көлікпен емес, жаяу бару талап.
Ресми мәлімет бойынша Иордания астанасында ковид-19-дың британиялық штамын жұқтырғандар көптеп тіркеле бастаған.
Дерғам Саид, Амман тұрғыны:
- Локдаунға қарсымын. Адамдар сақтық шараларын өздері үшін ұстануы керек. Радио, телеарна және басқа ақпарат құралдары арқылы жиі ескерту жасап отырса, жеткілікті болар еді. Сонда барлығы шектеу талаптарын сақтап жүреді ғой.