Жазалау шарасы оппозиционер Алексей Навальныйды улау және қудалау ісімен тікелей байланысты, деп хабарлайды «Хабар 24».
Бұл Джо Байден әкімшілігі ресми Мәскеуге қарсы қабылдаған алғашқы санкциялар. Шектеулер АҚШ-тың Мемлекеттік департаменті, Қаржы және Сауда министрліктерінің жұмысын қамтиды. Ақ үй «қара тізімге» Ресей үкіметінің жоғары лауызымды 7 шенеунігі мен 14 ұйымның енгізілгенін хабарлады. Ал Ресейдің Сыртқы істер министрлігі ресми Вашингтонның бұл шешімін «дұшпандық әрекет» деп бағалады.
Джен Псаки, Ақ үйдің баспасөз хатшысы:
– Бұл шешімдер ұлттық қауіпсіздік саласында жұмыс істейтін топтың жылдар бойы жинаған тәжірибесі мен пайымдарының негізінде қабылданды. Мақсаты – болашақта осындай оғаш, орынсыз іс-әрекеттерді болдырмау. Сондай-ақ біз бұл шаралар екіжақты қарым-қатынасты ілгері бастыруға белгілі бір деңгейде үлес қосады деп сенеміз.