433,15 516.00 5.62
+7 (7172) 757 485 24kz@khabar.kz
ҚАЗ

Германия билігі локдаун мерзімін 28 наурызға дейін ұзартты

  • 159
  • UPD: 22:44, 04.03.2021
Германия билігі локдаун мерзімін 28 наурызға дейін ұзартты Газета.ру

Дегенмен саясаткерлер бірқатар шектеу шараларын жеңілдетуді шешті, деп хабарлайды «Хабар 24».

Ангела Меркель және барлық 16 өңірдің басшылары локдауннан біртіндеп шығудың жоспарын талқылады. Келіссөздер 9 сағаттан аса уақытқа жалғасты. Ақыры стратегия қабылданды. Келесі аптадан бастап елде кітап пен гүл сататын дүкендер ашылады. Көлік жүргізушілері мен ұшқыштар дайындайтын мектептер жұмыс істейді. Ел тұрғындарына ашық далада шағын топ құрамында спортпен айналысуға рұқсат берілді. Жақын арада мұражайлар, галереялар, хайуанаттар және ботаника бақтары ашылады. Басты шарт – апта бойы 100 мың адамға шаққанда коронавирус жұқтыру елуден аспауы тиіс. Егер науқастар саны азая берсе, мейрамханалар да жұмысын бастайды. Бірақ қонақтарына ашық алаңда қызмет көрсетеді. Сондай-ақ тұрғындарға қонаққа баруға рұқсат етілді.

Ангела Меркель, Германия канцлері:

– Саясаткерлердің басты міндеті – локдауннан шығу жөнінде жақсы ойластырылған стратегия қабылдау. Карантинді қайта енгізбес үшін шектеу шараларын біртіндеп жеңілдету қажет. Сондықтан келіссөздер ұзаққа созылды. Қазір Еуропаның көптеген елін індеттің үшінші толқыны басып кеткенін байқап отырмыз. Германияға да осындай қауіп төніп тұрғанын ұмытпау керек. Бірақ нақты айтарым, биылғы көктем бір жыл бұрын болған жағдайдан ерекше болады.

Хабар 24 телеарнасы