Тунис жағалауында 39 мигрант суға батып кетті

Жерорта теңізіндегі Тунис жағалауында заңсыз мигранттар мінген екі қайық аударылып, адамдар суға батып кетті.

Олар Италияның Лампедуза аралына бет алған. Кем дегенде 39 адам көз жұмды, деп жазды Reuters.

Қайтыс болғандардың арасында әйелдер мен балалар бар. Олардың барлығы Африка елдерінен.

Жағалау күзеті 165 адамды құтқарып үлгерді.

Іздестіру-құтқару жұмыстары жалғасуда. Қайықтарда барлығы қанша адам болғаны әлі белгісіз.