433,55 515.14 5.60
+7 (7172) 757 485 24kz@khabar.kz
ҚАЗ

Германияның 2,7 млн тұрғыны вакцинаның екінші дозасын алды

  • 226
  • UPD: 19:38, 13.03.2021
Германияның 2,7 млн тұрғыны вакцинаның екінші дозасын алды

Германия вакциналау қарқынын арттырады, деп хабарлайды «Хабар 24».

Екінші тоқсанда неміс халқы 60 миллион доза салдырады. Оның жартысы BioNTech және Pfizer препаратына тиесілі. AstraZeneca вакцинасынан бірқатар ел бас тартып отырса да, Германия бұл екпенің 17 миллион дозасын сатып алмақшы. Билік аталған препаратты жасы 65-тен асқан тұрғындарға егуге рұқсат берген. Бұған дейін неміс елінің 6 миллион азаматы ковидтен қорғайтын алғашқы дозаны алған. Ал екінші дозаны әзірге 2 миллион 700 мыңдай тұрғын салдырды.

Йенс Шпан, Германияның денсаулық сақтау министрі:

- Бүгінгі ақпарат бойынша Еуропалық одақтың кейбір елдері AstraZeneca вакцинасын егуді тоқтатып қойды. Бірақ көп бөлігі осы екпені салып жатыр. Себебі олар сарапшылар мен тиісті органдардың ұсынымдары мен қорытындыларына сенеді. Мен тез тапсырылатын тестілердің қажеттігін баса айтқым келеді. Бұл індетке қарсы күресте өте маңызды құрал. Бетперде тағу мен арақашықтық сақтаудың да маңызы ерекше.

Хабар 24 телеарнасы