Майами Бичте төтенше жағдай жарияланды

АҚШ-тың Майами-Бич қаласында төтенше жағдай режимі жарияланды.

Бұған демалыстарын өткізу үшін келген студенттердің күрт артып кетуі себеп болған. Енді алдағы үш күн бойы шаһарда коменданттық сағат орнайды. Сәйкесінше мейрамханалар мен сауық орталықтары кешкі сағат 20:00-де жабылуы тиіс. Қаладан шығар негізгі жолдар да түнгі уақытта жабық болады. Жергілікті билік өкілдерінің айтуынша, мұндай шара азаматтардың жаппай қыдырып кетпеуі үшін қабылданып отыр екен.