430,39 515.14 5.65
+7 (7172) 757 485 24kz@khabar.kz
ҚАЗ

23 мемлекет пен ДДСҰ пандемия жөнінде келісім жасау ұсынысын қолдады

  • 102
  • UPD: 15:20, 31.03.2021

23 мемлекеттің басшысы және Дүниежүзілік денсаулық сақтау ұйымы болашақта болуы мүмкін төтенше жағдайлардан сақтану үшін пандемия жөнінде келісім жасау ұсынысын қолдады, деп хабарлайды «Хабар 24».

Бұл шарттың мақсаты – хабарландыру жүйелері, ақпарат пен зерттеулермен алмасуды және вакциналар мен дәрі-дәрмек өндірісін жақсарту арқылы әлемнің осындай дағдарыстарға қарсы тұрақтылығын нығайту.

Тедрос Адханом Гебрейесус, ДДСҰ бас директоры:

- Келесі індетке дайындықтың жоспарын әзірлеуге кірісу үшін пандемияның аяқталуын күтуге болмайды. Осы дағдарысты ұмытып, әдетті тіршілігімізге оралуға жол бермеуіміз керек. Келісім COVID-19 көрсеткен кемшіліктерімізді жойып, денсаулық сақтаудың халықаралық ережелерінің орындалуын нығайтып, пандемияның алдын алу мен тиісті шараларды қабылдау бойынша ынтымақтастықты қамтамасыз етеді.

Шарль Мишель, Еуропалық кеңес президенті:

- COVID-19 осал тұстарымыз бен қайшылықтарымызды анықтап берді. Енді болашақ ұрпағымызды пандемиядан қорғап қалу үшін бірігетін кез келді. Бұл үшін Екінші дүниежүзілік соғыстан кейінгідей саяси еркімізді нақты іс-қимылға айналдыруға тиіспіз.

Хабар 24 телеарнасы