427,15 517.06 5.74
+7 (7172) 757 485 24kz@khabar.kz
ҚАЗ

Қазақстанда коронавирусты анықтайтын тест шығаратын зауыт салынуы мүмкін

  • 147
  • UPD: 00:08, 01.04.2021

Бұл туралы Сеулде жиында белгілі болды, деп хабарлайды «Хабар 24».

Екі ел арасында тағы қандай инвестициялық жобалар қолға алынбақ?

Онлайн-кездесуде 30 кореялық компанияға Қазақстандағы 5 инвестициялық жоба ұсынылды. Соның бірі – коронавирус пен антиденелерді анықтауға арналған тест жүйелерін шығаратын зауыт салу. Нысанды салу Алматы қаласында жоспарланған. Өнім Қазақстанда және ТМД елдерінде сатылады. Сондай-ақ шприцтер өндіретін ірі кореялық компаниямен Қазақстанда бірлескен кәсіпорын ашу туралы келіссөз жүргізіліп жатыр.

Алмат Жұмабаев, инвестиция тарту бойынша ұлттық компанияның жоба менеджері:

– Қазақстанның фармацевтика саласына инвестиция салуды көздейтін шетелдік фармацевтикалық компанияларға салықтан және кедендік төлемдерден босату сынды жеңілдіктер жасалады. Инвестициялық алаңдар да қарастырылған. Өздеріңіз білетіндей, елімізде 13 арнайы экономикалық және 24 индустриялық аймақ бар.

Бұл компанияның өнімі Қазақстанда сатылады. Ол анестезияға арналған крем. Кәсіпорын сонымен қатар ауырсынуды басатын есірткісіз дәрі шығаруға дайындалып жатыр.

Пак Хён У, фармацевтикалық компанияның менеджері:

– Қазақстанмен ынтымақтастықты орнату үшін өнімдеріміздің қазақстандық нарықтағы бәсекеге қабілеттілігін анықтап, оны сата алатын серіктес табуымыз керек. Егер болашақта жаңа өнімге сұраныс болса, біз технологиялармен алмасу және өндіріс базасын құру саласындағы ынтымақтастықты қарастырамыз.

Онлайн-семинардың мақсаты – отандық фармацевтикалық компаниялар өндірісінің қазақстандық нарықтағы үлесін 50 процентке дейін арттыру. Қазір бұл көрсеткіш үш есе аз.

Владислав Цой, Ольга Лян

Хабар 24 телеарнасы