АҚШ-та ақпандағы сауда тапшылығы 4,8% өсті

Яғни Құрама Штаттардың импорты мен экспорт арасындағы айырмашылық 71,1 миллиард долларды құрап отыр.

АҚШ-тың Коммерция департаментінің мәліметі бойынша бұл рекордты көрсеткіш. Тіпті бұл меже экономистер жасаған болжамнан да асып түскен. Қыстың соңғы айында сауда-саттық жетіспеушілігінің артуына індет мен суық ауа райы әсер еткен. Негізі импорттық және экспорттық алыс-беріс көлемінің кему фактісі өткен жылдың мамыр айынан кейін алғаш рет тіркелді.