429,33 519.25 5.73
+7 (7172) 757 485 24kz@khabar.kz
ҚАЗ

Израильде 12 мен 15 жас аралығындағы балаларға екпе салынады

  • 109
  • UPD: 10:26, 21.04.2021
Израильде 12 мен 15 жас аралығындағы балаларға екпе салынады

Израиль вакциналаудың екінші кезеңіне дайындалып жатыр, деп хабарлайды «Хабар 24».

Премьер-министр Биньямин Нетаньяхудың мәлімдеуінше, бұл жолы 12 мен 15 жас аралығындағы балалар екпе салдыруы тиіс.

Олар АҚШ-тың Азық-түлік және дәрі-дәрмек әкімшілігі мақұлдаған вакциналарды қолданбақ. Аталған мекеме балаларға егуге Pfizer және BioNTech препараттарын ұсынған болатын. Қазірге дейін жасы 16-дан жергілікті тұрғындардың 81%-ке жуығы Pfizer екпесінің 2 бірдей дозасын қабылдаған. Сарапшылар балалар мен жастарды жаппай вакциналау ұжымдық иммунитетке қол жеткізуде маңызды қадам деп есептейді.

Биньямин Нетаньяху, Израиль премьер-министрі:

- Pfizer және Moderna компанияларымен Израиль азаматтары үшін 16 миллион доза алу бойынша келісімшартқа қол қойдық. Арада 6 ай өткенде вакциналаудың жаңа науқанына қызу әзірлік жасап жатырмыз. Балаларды дайындай беріңіздер.

Хабар 24 телеарнасы