Колумбия астанасы Боготада мәдениет саласының қызметкерлері мен шоу бизнес өкілдері ереуілге шықты, деп хабарлайды «Хабар 24».
Шаһар көшелеріне жиналған ондаған адам биліктің карантинге қатысты саясатына қарсылығын білдірген. Шара флеш-моб ретінде ұйымдастырылды. Наразылардың айтуынша, олар табыс көзінен айырылғанына бір жылдан астам уақыт болды. Қолдарын шын-жырмен байлағандар Үкіметтен карантинді жеңілдетіп, мәдени іс-шараларды ұйымдастыруға рұқсат беруін талап етеді.
Айта кетейік, аймақтағы эпидемиологиялық ахуалға байланысты осы аптаның жұма күнінен бастап 3 күндік қатаң локдаун жарияланбақ. Оған қоса, коменданттық сағат та өз күшінде қалады. Ал тұрғындардың қозғалысына шектеу қойылады.