Pfizer екі елден COVID-19-ға қарсы жалған вакцинаны тапты

Америкалық Pfizer компаниясы Мексика мен Польшадан өзінің COVID-19-ға қарсы вакцинасының жалған нұсқаларын тапты, деп хабарлады Wall Street Journal.

Газеттің хабарлауынша, Мексикада 80-ге жуық адам Pfizer/BioNTech атынан шығарылған жалған вакцинаны салдыртқан. Мексикадан табылған вакцина флакондарында жалған қаптама болған.

Ал Польшада табылған жалған вакцина іс жүзінде әжімге қарсы дәрі болып шықты. Дегенмен оны ешкім қабылдап үлгермеген көрінеді.