Венесуэлада Колумбиямен шекарадағы қақтығыстан 8 сарбаз қаза тапты.
Әскерилер ел аумағына заңсыз өтпек болған қылмыстық топ мүшелерімен атысқан. Бұл туралы Венесуэланың Қорғаныс министрі жергілікті телеарна арқылы хабарлады. Қақтығыс 3 күнге созылған. Жарақат алған жауынгерлер де бар, бірақ олардың саны әлі белгісіз.
Владимир Падрино, Венесуэланың қорғаныс министрі:
- Өкінішке орай, ұландарымыз Отанымызды шекарадан заңсыз өткен колумбиялық қылмыстық топтардан қорғау жолында құрбан болды. Еліміздің аумағына басып кіруге ниетті қаскүнемдерге қарсы тұрамыз.