Жапонияның бірқатар өңірінде төтенше жағдай мерзімі ұзартылды

Коронавирустың таралуын тоқтату үшін ел билігі осындай шешім қабылдады.

Себебі елдегі науқастардың саны әлі де азаймай тұр. Керісінше, вирус жұқтырғандар мен одан көз жұмып жатқандар қатары артып жатқан көрінеді. Ресми мәлімет бойынша бүгінге дейін жапон жерінде барлығы 618 мың адам вирус жұқтырған. 10 мың кісі қайтыс болған. 

Айта кетейік, биыл Токиода жазғы Олимпиада ойындары өтуі тиіс. Оның ашылуы 23 шілдеге жоспарланған.