Ауғанстанда толассыз жауын салдарынан 78 адам көз жұмды

Ауғанстанның бірнеше аймағында толассыз жауған жауын соңы су тасқынына ұласып, 78 адам құрбан болды. 30 тұрғын жарақат алған.

Елдің Төтенше жағдайлар министрлігіне сілтеме жасаған жергілікті телеарнаның хабарлауынша, кемінде 32 адам із-түссіз жоғалып кеткен.

Билік тасқын салдарынан 307 үйдің қирап, тағы 2 мыңнан астамына зақым келгенін айтады. Тасқын су ауыл шаруашылығына арналған жүздеген гектар алқапты шайып кеткен.