Испанияда мейрамханалар мен барлар қайта ашылды

Испанияда 6 айға созылған шектеулерден кейін мейрамханалар мен барлар қайта ашылды. Енді тамақтану орындары түнгі сағат 11-ге дейін жұмыс істейді.

Алайда ғимарат ішінде қонақтар санына шектеу бар. Жалпы Испанияда індетке қарсы төтенше жағдай кеше аяқталды. Карантиннің жеңілдеуіне байланысты тұрғындарға аймақ арасында сапар шегуге рұқсат етілген.

Биліктің мәлімдеуінше, елде вакциналау науқаны қарқын алып, вирусты жұқтырушылар саны азайған.

Хосе Архона, мейрамхана менеджері:

- Мейрамханаларды ашуға рұқсат бергеніне әлі сене алар емеспін. Біз енді ешқашан жұмыс істемейтін шығармыз деп ойладық. Барлық сала баяғы өмірге тездетіп оралар деген үміттеміз.