427,82 518.00 5.92
+7 (7172) 757 485 24kz@khabar.kz
ҚАЗ

Израиль Газа секторында әскери операцияны бастайды

  • 117
  • UPD: 09:21, 14.05.2021
Израиль Газа секторында әскери операцияны бастайды

Таяу Шығыста қақтығыс толастар емес.

Ақпарат көздерінің хабарлауынша, ЦАХАЛ армиясы Газа секторында әуе және құрлық операцияларын бастамақшы.

Қазір олар резервтегі 9 мың әскерін Газа шекарасына тарта бастады. Алайда Израиль құрлықтағы шабуылын бастағанын растаған жоқ.

Газа секторының билігі атыс-шабыстар нәтижесінде қаза тапқандардың саны 103 адамға жеткенін хабарлайды. Олардың 27-сі бала.

Қазір ауруханалардағы жансақтау бөлімдерінде орын тапшылығы байқала бастады. Дәрігерлер шұғыл емес операцияларды кейінге қалдырып жатыр. Израиль билігі болса, ХАМАС-ты бейбіт тұрғындар тұратын жерге шабуыл жасап жатыр деп айыптайды. Ал әлем елдері қақтығысқан қос тарапты сабырға шақырып, атыс-шабысты тоқтатуды сұрайды. Жуырда Египет билігі екі жақпен келіссөздер жүргізгенімен бұдан еш нәтиже шықпады.

Хабар 24 телеарнасы