Нью-Джерси штатында орман өрті 100-ден астам үйге қауіп төндіріп тұр

АҚШ-тың Нью-Джерси штатында өршіп тұрған орман өрті 370-ке жуық гектар жер телімін күлге айналдырды, деп хабарлайды «Хабар 24».

Енді қызыл жалын 100-ден астам баспанаға қауіп төндіріп тұр. Қазір тұрғындар эвакуацияланды. Орманнан шыққан қою қара түтіннен жақын маңдағы тас жолдарда көлік қатынасы тежелді. Апатпен күресу жұмыстарына бірнеше шаһардың өрт сөндіру қызметі жұмылдырылды. Өрттің нақты неден шыққаны әзірге белгісіз.