Google өз қолданушыларын заңсыз аңдыған

Google компаниясының басы дауға қалды, деп хабарлайды «Хабар 24».

«Бизнес Инсайдер» басылымының хабарлауынша, технологиялық алпауыт өз қолданушыларын заңсыз аңдыған. Смартфон иелері геолокациясын көрсететін функцияны өшіріп тастаған кезде де компания олардың тұрған жері туралы мәлімет жинауын тоқтатпаса керек. Корпорацияның басшылары мен инженерлері бұл жайында хабардар болған екен. Одан бөлек, технологиялық алпауыт смартфон өндірушілерін қолданушылардан құпиялылық баптауларын жасыруға міндеттеген.

Айта кеткен жөн, былтыр АҚШ-тың Аризона штанының прокуратурасы заңсыз аңдуға қатысты Google-ге қарсы іс қозғаған еді. Ал Австралия соты компанияны «өз қолданушыларын алдады» деп айыптаған.