Пандемияға байланысты биыл Канн фестивалінің қатысушылары үшін арнайы талаптар қойылады. Олардың қолында коронавирусқа қарсы екпе салдырғанын растайтын сертификат болу керек.
Кері жағдайда әр 48 сағат сайын ПТР-тест тапсырып отыруға тура келеді. Тексеруден өту тегін. Зертхана фестиваль өтетін ғимарат маңында орналасқан. Ол тәулігіне 24 сағат бойы жұмыс істейді. Айта кеткен жөн, жыл сайынғы Канн кино-фестивалі биыл 6 және 17-ші шілде аралығына жоспарланған. БыЛтыр коронавирус салдарынан шара дәстүрлі форматта өтпей қалған еді.
Тьерри Фремо, Канн кинофестивалінің директоры:
- Әрине бәріміз де фестивальдің бұрынғыдай маскасыз және көп адамның қатысуымен өткенін қалаймыз. Алайда пандемияны әлі еңсерген жоқпыз. Әзірге шара қатысушыларыны санына қатысты шектеу жоқ. Десе де, сақтық шараларын сақтауымыз керек.