Майамиде құлаған үйдің үйінділерін аршып жатқан құтқарушылар тағы бір адамның денесін тапты, деп хабарлайды «Хабар 24».
Қазір осы апаттан бес адамның опат болғаны белгілі. 156 тұрғын ұшты-күйлі жоқ. Соған қарағанда үйінділер астында қалып қойғандар әлі де табылуы мүмкін. Құтқарушылар күні-түні дамыл таппайды. Иісшіл иттерді де әкелген.
Еске сала кетейік, бейсенбі күні 12 қабатты үй құлаған. Ресми мәлімет бойынша онда 130-дан аса пәтер болған. Апаттың себебі белгісіз. Нысан осыдан 40 жылдай бұрын салынған. Жергілікті билік сол кездегі салынған басқа жда үйлердің қауіпсіздігін тексеріп жатыр.