424,15 504.60 5.74
+7 (7172) 757 485 24kz@khabar.kz
ҚАЗ

Қытай ғарышкерлері ашық ғарышқа шықты

  • 599
Қытай ғарышкерлері ашық ғарышқа шықты

Жексенбі күні Бейжің уақытымен сағат 11:02-дегі жағдай бойынша, қытайлық ғарышкерлер Лю Бомин мен Тан Хунбо Қытайдың «Тяньхэ» ғарыш стансасы негізгі модулінің тораптық кабинасынан ашық ғарышқа шықты.

Бұл туралы ҚазАқпарат Синьхуа ақпарат агенттігіне сілтеме жасап хабарлайды. Лю Бомин тораптық кабина люгінің есігін жексенбі күні сағат таңғы 08:11-де ашты. Ғарышкерлер Қытайда кемеден тыс қызметке арналған «Фяйтянь» («Ғарышқа ұшу») деп аталатын жаңа үлгідегі ғарыш скафандрларын киген. Лю Бомин мен Тан Хунбо ашық ғарыш кеңістігінде болып, бірқатар міндетті орындап шықты. Олар бірлесіп механикалық тетіктің көмегімен ғарыш стансасының тиісті кемеден тыс жабдықтарды құрастыру жұмыстарын орындауын жалғастырып келеді. Үшінші ғарышкер Не Хайшэн негізгі модульде қалып, Лю Бомин мен Тан Хунбоға кемеден тыс қызметті жүзеге асыруға көмектесті.

Бұған дейін Қытай орбиталық станция құрылысын жүргізуге ғарыш кемесін ұшырды.

Хабар 24 телеарнасы