Тәжікстанда 18 жастан асқандарға коронавирусқа қарсы вакцина салу міндеттелді

Тәжікстанда енді 18 жастан асқандар вакцина міндетті түрде салдыруы керек.

Бұл туралы елде COVID-19 таралуын болдырмау бойынша эпидемияға қарсы шараларды күшейту жөніндегі республикалық штаб мәлімдеді, деп хабарлайды «Хабар 24» Tengrinews.kz-ке сілтеме жасап.

Кәмелет жасқа толған, алайда вакцина салдырмағандар отбасылық дәрігерге немесе медициналық мекемеге жүгінуі қажет. Вакцина тегін жүргізіледі. 

Сонымен қатар, штаб жеке гигиенаны және қоғамдық көліктерде әлеуметтік қашықтықты сақтап, міндетті түрде маска тағуды сұрады. Адамдар көп жиналатын шараға, оның ішінде, үйлену тойларын адамды аз шақыру ұсынылды.