424,64 503.77 5.77
+7 (7172) 757 485 24kz@khabar.kz
ҚАЗ

Британияда жақын арада маска тақпай, QR-кодсыз жүруге болады

  • 245
  • UPD: 15:43, 13.07.2021
Британияда жақын арада маска тақпай, QR-кодсыз жүруге болады

Ұлыбританияда жақын арада маска тақпай жүруге болады. QR-кодтарсыз кез келген мекемеге кіріп, әлеуметтік арақашықтық сақтау міндеттелмейді.

Премьер-министр Борис Джонсон келесі аптада шектеулерді алып тастауды уәде етті. Бұған елде сәтті өтіп жатқан вакциналау мүмкіндік берді. Ұлыбританияда күн сайын 20 мыңнан аса науқас анықталып жүрсе де өлім мен ауруханаға түсу көрсеткіші бірнеше есе азайды. 

Борис Джонсон, Ұлыбритания премьер-министрі:

- Келесі аптада ересек адамдардың үштен екі бөлігі екінші екпе салдырады. Егілмеген адамдардың барлығын вакциналаудан өтуге шақырамыз. Бұл отбасыларыңызды сақтап, жазғы демалысыңызды қауіпсіз өткізуге жол ашады. Біз үнемі деректерді қадағалап отырамыз. Жағдай нашарласа, қайта шектеу енгізуге мәжбүр боламыз.

Хабар 24 телеарнасы