«Әлемде климат өзгерісі мен пандемияны еңсеру үшін шұғыл шаралар қабылдау қажет».
Біріккен Ұлттар Ұйымының бас хатшысы Антониу Гутерриш 2030 жылға қарай ауаға бөлінетін зиянды қалдық көлемін 45%-ке дейін азайту керек деп мәлімдеген.
Бұл үшін көмір, газ, мұнайға тәуелділікті азайтып, бизнес пен ғылым бірлесе жұмыс істеген абзал. Сондай-ақ ол коронавирус індетіне қарсы күресті барлық жерде бірдей күшейтуге шақырды.
Айта кетейік, Нью-Йоркте Адамзаттың тұрақты дамуы бойынша жоғары деңгейде саяси форумы өтті.
Антониу Гутерриш, БҰҰ Бас хатшысы:
- Климат өзгерісін оңды реттеу үшін 2030 жылға дейінгі міндеттемені мінсіз орындауымыз керек. Сондай-ақ барлық елде COVID-19-ға қарсы вакцинаны, тестілерді, ем-домды және жан-жақты қолдауды қамтамасыз ету қажет. Екпеге қолжетімділік бойынша теңсіздік бүкіл әлемге қауіп төндіріп отыр, коронавирустың мутациялары ие бермей бара жатыр. Індеттің жұғу деңгейі қазіргіден де қатерлі болуы мүмкін.