424,60 504.60 5.74
+7 (7172) 757 485 24kz@khabar.kz
ҚАЗ

Германияның батысында су тасқынынан қаза тапқандар саны156-ға жетті

  • 107
  • UPD: 18:57, 18.07.2021
Германияның батысында су тасқынынан қаза тапқандар саны156-ға жетті

Германияның батысындағы жаңбыр мен су тасқынынан қаза тапқандардың саны артып, 156-ға жетті, деп хабарлайды «Хабар 24».

Тағы жүздеген адам жоғалып кетті. Табиғи апат аймағында іздестіру-құтқару жұмыстары әлі жүріп жатыр. Тасқын жүрген елді мекеннің бәрі лай-батпақ пен тал-тасқа толған. Тас жолдар мен көпірлер қирап, қатынас қиындаған. Таза су мен электр энергиясы жүйесі істен шығып, телефон байланысы үзілген.

Фридрих, тұрғын:

- Тасыған су деңгейі 2 метрлік үйіміздің төбесінен асып, баспанамыз көрінбей қалды. Су қайтқан соң үйімізге кіріп едік, барлығы лай-батпаққа толып қалыпты. Айналамыздағы басқа адамдардың жағдайы да осы. Көп адам баспанасыз қалды.

Тасқыннан зардап шеккен елдің бірі - Нидерландта қауіпсіз жерге көшірілген мыңдаған адам қоныстарына орала бастады. Алайда мұнда да көп елді мекенді су басқан. Табиғи апаттан жапа шеккендер туралы ақпар жоқ. Қазір қалпына келтіру жұмыстары жүріп жатыр.

Хабар 24 телеарнасы