Қазан оқиғасы: Ильназ Галявиевтің ақыл-есі кем болып шықты

Қазан қаласындағы мектепте 9 адамның қанын мойнына жүктеген Ильназ Галявиевтің ақыл-есі кем болып шықты, деп хабарлайды «Хабар 24».

Сараптама жасаған әлеуметтік және сот психиатриясы ұлттық орталығының мамандары осындай қорытындыға келді.

Естеріңізде болса, 11 мамырда Ильназ Галявиев Қазандағы №175 гимназияда жұртқа жағалай оқ атып, салдарынан 9 адам көз жұмып, 20-дан астамы жарақат алған болатын. Жапа шеккендер мен қайтыс болғандардың дені бала. 19 жастағы қаскөй өз кінәсін мойындаған. Соңғы мәлімет бойынша ол психиатриялық ауруханаға ауыстырылған.